Menu
0

明明好勤力做保濕⋯點解啲皮膚都係咁架?

Posted by Lab Star Beauty on

保濕可以話係所有護膚步驟中最重要嘅一part,之唔係因為大部分肌膚問題,其實都同皮膚失去水分有關,好似暗啞、皺紋、冇彈性等等,所以加緊保濕係不少女士嘅頭號任務!不過⋯明明好勤力去保濕⋯點解啲皮膚都係咁架?

保濕


相信唔少人都身同感受,已經用左好多保濕力強嘅護膚品,而且仲時不時敷面膜,但皮膚都依舊咁乾,尤其冬天擦咩塊面都係乾爭爭咁呀。遇到呢個情況,好大機會就係保濕方法出錯呀!


其實皮膚嘅結構複雜,並唔係一味擦、一味敷就有用,要皮膚保持水潤光澤,就要避開錯誤嘅保濕方法喇!
唔係唔止浪費哂啲功夫,仲可能會弄巧反拙添,即係越保濕越乾呀。
今次就同大家講下好多人平時會犯嘅呢啲保濕錯誤啦。


  1. 洗面後冇即時保濕:唔少朋友仔仲完涼洗完面之後會有一大堆野做,好似吹頭呀、睇陣電視呀、禁下電話⋯唔得呀!
    原來洗面後係皮膚角質層含水量最高嘅時間,呢個時候擦保濕產品就最吸收、最有效。一旦錯過左,擦咩效果都打左個折架喇!

  2. 常噴保濕噴霧:有時隨身都會帶支細細嘅保濕噴霧,塊面一乾就噴噴佢。但原來呢個做法係岩唔哂架,事關保濕噴霧雖有補充水分嘅功能,但好多時係office噴時候,噴完水分好快就會蒸發,仲會帶走埋皮膚本身嘅油脂!所以噴完保濕噴霧最好就用紙印一印走多出黎嘅水分,再擦返一層面霜鎖水。

  3. 缺油定係缺水呢:好多時一見到產品寫住保濕就入左手,但係就冇搞清楚其實自己需要補咩呀!其實皮膚會乾除左缺水仲可能係缺油,要清楚知道係缺油定係缺水哦,補唔岩就點擦都冇用啦。

  4. 面霜擦太厚:天氣乾燥,成日諗住擦保濕面霜就緊係要擦厚少少啦,唔係點擋得住啲北風呀!但咁嘅諗法就出事喇,其實擦厚啲係幫助唔到保濕,因為皮膚根本無法吸收,仲有機會阻塞毛孔,造成粉刺、暗瘡添!所以保濕面霜應以適量為好,只要產品保濕力強,薄薄一層已經好足夠架喇!

  5. 瘋狂敷面膜:敷面膜係一項好幫到保濕嘅做法,所以就緊係多啲黎、密啲敷啦,咁多精華最好一敷敷成粒鐘添呀!殊不知咁敷法好易會出反效果,因為日日敷對皮膚會造成一定負擔,其實一星期兩三次已經足夠;至於敷太長時間就更唔得,因為當面膜嘅精華已經被吸收哂,乾嘅面膜可能會反過黎吸走皮膚嘅水分,所以如果冇特別標明的話,最好控制係15-20分鐘左右。

當然啦,冇一種產品、一個保濕方式係萬能嘅,簡返適合自己皮膚性質產品喇!


Share this post



← <<Older Post Newer Post>> →


留言 Leave a comment

請注意,評論必須經過批准才能發布