黑眼圈？眼袋？簡單幾招還原電眼

眼睛不止係人嘅靈魂之窗，更加係陌生人打量你嘅樣貌時最先睇嘅地方，所以一對明豔照人嘅大眼睛真係好加分架！不過都市人生活繁忙，成日捱更抵夜，捱捱下就捱就走左對電眼，換黎眼下面個對熊貓咁嘅黑眼圈同浮腫嘅眼袋，搞到個人睇落無里神氣，連面色都差埋！最慘係對黑眼圈同眼袋一旦出左黎就好難擊得退，特登早啲瞓都救唔返呀，嗚~

究竟黑眼圈同眼袋係點形成？又有咩方法可以KO到佢地呀？
今日就等我同大家分享下有關呢兩位敵人出現，同埋還原電眼嘅小知識啦。

 
黑眼圈:

先講講黑眼圈，其實佢嘅成因有好多，除左成日捱更抵夜，仲有啲人係先天性眼框皮膚色素細胞密度比較高，令眼袋位特別深色；又或者係因為鼻敏感、鼻塞、慢性鼻竇炎令血液循環差，眼底下微血管增生；曬得多而又冇好好保護造成色素沉積；過度摩擦、反覆接觸令個個部分嘅表皮變得粗糙；甚至係身體老化導致皮下脂肪或膠原蛋白流失等等！

咁有咩改善方法呢？其實現時市面上都有好多眼部產品去除黑眼圈，不過成效各有不同，當搽完精華同眼霜後可以按摩下眼睛周邊，大家試試啦！

• 按摩眼睛周邊：唔講唔知原來眼睛周圍有好多穴位架，例如眉毛中間、眉頭內側、眼角內側等，如果係因鼻敏感造成嘅黑眼圈亦可以按下鼻部嘅穴位，不時按摩可以增加血液循環，改善黑眼圈架。

眼袋:

至於敵人二號眼袋，佢嘅成因一般可分為先天性同後天性；先天性就係因為眼眶裡面嘅脂肪肌肉本身就比較肥大，令到眼袋相對上明顯左；而後天性就係因為年紀漸大令眼底皮膚鬆弛下墮而出現眼袋，另外成日低頭玩手機、瞓唔夠都易令眼下血管腫脹而養出大眼袋架！而從中醫角度睇，脾虛引致水濕運化失常，令眼部浮腫明顯，而腎氣不足或腎虛會令水濕內盛，亦都易見眼瞼浮腫。

咁想改善已經跑左出黎嘅眼袋要點做？建議一招最簡單嘅方法比大家啦，就係非常原始嘅敷眼喇！不過敷眼都唔係亂黎架，點敷係有唔同效用架！

• 冰敷：溫度最好介乎攝氏18至20度，可以令皮下骨膠原蛋白收縮，是正常的冷縮熱脹情況，有即時減眼腫現象，係急救良方

• 熱敷：建議溫度維持在攝氏38至40度，可以紓緩疲勞，促進血液循環，令淋巴通順一點，比起冷敷，定期熱敷係相對治本架

• 敷浸泡過的茶包、青瓜薄片都可以加強敷眼效果架

除左敷眼，同對付黑眼圈一樣按摩眼睛周邊都有助去眼袋架！
準備左三款眼部護理產品俾大家，配合埋以上參考方法可以事半功倍啦﹗

急救法寶*
Remescar Eye Bags & Dark Circles  
2分鐘消除眼袋、黑眼圈

可以搽埋魚尾紋及眉心紋*
Phyto Lab 極高濃度 NP 眼部精華霜

VERSO N°5 SUPER EYE SERUM
WITH RETINOL 8 眼部精華